مرحبا أخواتي نلتقي مجددا في درس جديد من دروس دورة التطريز بالحاشية و درسنا اليوم سهل جدا و النتيجة بإذن الله راح تلقى استحسانكم نبدأ مع الدرس و الرشمة الموالية بعد ما ننقل الرشمة على القماش ، نبدأ مع le pt de tige و نخدم كيما راهو باين في الصورة ، هاذ المرة استخدمت الخيوط الحريرية في العمل- ممكن نستعمل coton perlé مش مشكلة -، طبعا لكم الحرية المطلقة في اختيار ما يناسبكم من ألوان بعد ما ننتهي من غرزة الغصن نبدأ العمل على الشيء الجديد اللي رايحين نشوفوه اليوم و هي الوردة بغرزة العنكبوت la rose au point d'araignèe هاذي رسمة تخطيطية لعمل الوردة إذا باش نخدموا هاذ الوردة اول حاجة نعملوها نرسموا دوائر بالقطر اللي يناسبنا بالنسبة للدرس نتاعنا الدوائر حوالي 1.5 - 2 سم في قطرها و نقسم الدائرة إلى خمس اجزاء بواسطة الخيط نتاع الحرير او perlè المهم يكون بنفس أو يقارب لون الشريط اللي رايحين نخدموا بيه الوردة هاذ الغرزات تلتقي في مركز الدائرة نشوفوا مع الصور كيف نعمل غرزة العنكبوت اللي هي رايحة تكون بمثابة الأساس نتاع الوردة اللي رانا حابين نعملوها و نتحصل على هذا الشكل اللي يسموه الغرزة العنكبوتية و الي عليه رايحة نخدم الوردة و هكذاك نخدموا في كل الدوائر اللي راهي مرسومة عندنا نبدأ الان العمل بالحاشية لكن قبل أن أبد أ: لما يكون الشريط اعرض من ثقب الإبرة نقطعوه بهاذ الشكل باش يجينا ساهل كي ندخلوه في الإبرة نبدأ الان في العمل ، ندخلوا الإبرة قرييييبة كثييير من المركز نتاع الدائرة ثم نلوي الشريط على نفسه عدة مرات فراح يكون كيما راهو باين في الصورة ثم لاحظوا كيف أنني خليتالخيط الأول و ديت الثانيو نخلي الثالث و ندي الرابع و هكذا نقعد غير ندور بالشريط حتى تمتليء كل المساحة نتاع الدائرة و تتغطى شبكة العنكبوت اللي كنا عملناها كاساس أو قاعدة للوردة لما تكتمل الوردة ندخلوا الشريط في القماش نعقدوه ، نقطعوه ثم نحرقوه باش ما ينسلش و نكمل العمل مع كل الدوائر فتكون النتيجة بقى لنا نخدموا الأوراق و النقط الصغيرة المتناثرة بالنسبة للأوراق نستعمل شريط 0.5 سم و نخدموا اوراق صغيرة ب غرزة le pt de ruban japonais و النقط الصغيرة المتناثرة رايحة تكون بشريط 3 مم بغرزة pt de noeud و رايحين نتحصلوا في النهاية على هذا انتهينا من الدرس اللي كان مخصص للوردة بغرزة العنكبوت rose au point d'arignèe اتمنى ان تستمعوا في تطبيقه و اسعد بكل تساؤلاتكم و استفساراتكم الى ان نلتقي في درس جديد دمتم بخير
اختي سندس الدرس رااااااااااااااااااااااااااااائع جزاك الله كل خير لكن ممكن توضحي اكثر في الوردة انا راسي يابس منفهمش بلخف اسمحيلي
مشاء الله رووووعة الله يبارك فيك اختي فعلا الرشمة اليوم رائعة ارغب بتطبيقها في هذه اللحظة جزاك الله اعلى الجنات إن شاء الله
اليوم درس هاااايل بزااااف ومشوق تقولي نخدمو ونبقى نتفرج فيه هههههههههه اليوم راني فهمت كلش وماعندي حتى استفسار غير اذا واجهت كاش صعوبة كي نكون نخدم وان شاء الله لالا بصح نجي نقولك طبعا شكرا جزيلاااااااااا
العفو حبيبتي ، أسعدني جدا ان درس هاذ المرة اعجبك ، منتظرة بشوق تطبيقك يا لميس و راني هنا ان شاء الله لأي استفسار او تساءل
السلام عليكم و رحمة الله و بركاته نعاود شرح عمل الوردة ، باش نخدموا الوردة يلزمنا نرسموا دائرة ، القطر نتاعها يختلف على حساب الرشام فاذا كنا نحوسوا على وردة صغيرة نرسموا دائرة بقطر صغير و اذا حبينا الوردة اكبر يكون القطر نتاع الدائرة اكبر في الرسمة نتاعنا الدوائر قطرها بين 1.5 و 2 سم تقريبا نقسموا الدائرة نتاعنا الى خمس اقسام بخيط التطريز او coton perlèالمهم يكون بنفس لون الشريط اللي رايحين نخدموا بيه الوردة فتتكون عندنا دائرة فيهاخمسة انصاق اقطار بعد ما ننتهي من عمل انصاف الاقطار نربطوا الخيط تحت الطنيبر و نقطعوه، خلاص ما نحتاجوهش الان نركب الحاشية في ابرة التطريز و الحاشية هنا استعملت اللي عندها عرض 1 سم ثم ندور الإبرة بين اصابعي فيتلوى الشريط على نفسه ، احتاجه هكذا ثم في هاذوك الأنصاف الأقطار الخمسة اللي عملتهم بالخيط أول واحد فيهم نجوز عليه و الثاني نرفدوا بالإبرة و الثالث نجوز عليه و الرابع ايضا نرفدوا بالإبرة و نقعد هكذاك خيط واحد نرفدوا و الآخر نجوز عليه حتى تتعمر المساحة نتاع الدائرة كاملة بالصور من بعد ندخلوا الإبرة في القماش نعقدوا الشريط جيدا و نحرقوه باش ما ينسلش الشريط و بالتالي الخدمة كااامل تروح هاذي هي طريقة عمل الوردة بغرزة العنكبوت ان شاء الله هاذ المرة أوفق في الشرح و تقدري عزيزتي عفاف الخير تستوعبي الطريق بسهولة الا عندك سؤال آخر ما تحشميش ، ان شاء الله راني هنا باش نجاوب على اسئلتك و أسئلة كل الاخوات تحياتي
وااااااااااااااااااااااااااضح مثل وضوح الشمس الان جزاك الله كل خير اختي سندس اسمحيلي عدبتك معايا اسفة ان كنت ازعجتك
شوفي هاذ الرسمة التخطيطية عزيزتي و إن شاء الله تفيدك مشاهدة المرفق 2541 الهدف اننا نعمل خمسة انصاف دائرة و يكون مركز الدائرة هو نقطة التلاقي بيناتهم ممكن تعملي بأي طريقة المهم نتوصل إلى نفس النتيجة
سؤال السلام عليكم لو سمحت سندس ممكن تخبريني كيف نعملو وردة العنكبوت بلونين كما في الصورة؟ يعني هي نفس الفكرة ؟
العفو ، و جزاك بأفضل منه، كل الروعة بمرورك أريج الربيع بالمناسبة ، إسمك يذكرني بمكان أحمل له في نفسي ذكريات جميلة