أهلا و سهلا بالأخوات في درس جديد من دروس دورة التطريز بالحاشية اليوم بإذن الله راح نتعرف على ثلاث غرز جديدة من خلال الرشمة الموالية نبدأ بالغرزة الأولى و اللي يسموها point bouclette هاذ الغرزة تنفع نخدموها بخيط التطريز أو بالحاشية و راح نشوف من خلال الدرس التطبيق المباشر لنتعرف على الغرزة من خلال الرسمة التخطيطة نستعمل هاذ الغرزة لطرز بتلات الزهرات الثلاث كما هو موضع بالصور ، الشريط المستعمل عرض 3 مم قلب الأزهار نخدموهم بالغرزة الفرنسية - pt de noeud- شريط 3مم بني لطرز الزهرة الكبيرة نستعمل غرزة pt de ruban japonais اللي سبق و شفناه في الدرس الثاني بشريط عرض 0.5 سم و نتبعوا الرشام فقط كذلك قلب الزهرة نخدموه بالغرزة الفرنسسية شريط عرض 3مم بني اللون هاهي الدوائر تظهر من جديد في هاذ الرشام و بالتالي راح نخدم الورود بغرزة العنكبوت لكن ما دامت الورود صغيرة الحجم فراح نقسم الدوائر إلى ثلاثة أقسام كما هو موضح في الصور الآن انتهينا من كل الأزهار ،نبدأ بالعمل على الأوراق و الأغصان الأوراق الكبيرة نخدمها بغرزة يقولوا لها point d'arete و هذا رسم تخطيطي لها فباستعمال خيط التطريز الأخضر نبدأ بطرز الاوراق، تابعوا الصور نعود إلى le pt de bouclette و نخدم بالخيط الأخضر كل الأوراق الصغيرة نعمل الآن على الأغصان و نتعلم من خلالها غرزة جديدة ، نشوفوها مع بعض الغرزة يسموها point mouche allongè و هي هاذي نطبقوها على الرشمة نتاعنا ، تابعوني بالصور يبقى الغصن الأخير نخدموه ب pt d'epine اللي سبق و تعلمناه و الأوراق بـ le pt de ruban japonais شريط عرض 1سم أخضر و نكمل الطرز بالغرزة الفرنسية - pt de noeud - المنتشرة في الأغصان و هكذا ننتهي من العمل و نتحصل على الصورة الآتية ملخص ما تعلمناه في الدرس الرابع عرفنا le point de bouclette ، و شفنا أنه ينفع يستخدم لبتلات الأزهار و الأوراق كذلك تعلمنا مع بعض احدى التقنيات الخاصة بطرز الأوراق le point d'arete و ايضا le point mouche allongè المستعمل في طرز الأغصان و هكذا ننتهي من الدرس الرابع أرجو عزيزاتي أن تستفدن و تستمتعن بتطبيقه
الدرس رائع وواضح شكرا جزيلا لك اختي سندس سوف نبدأ بالعمل باذن الله واي اشكال سوف نخبرك جزاك الله كل خير على عملك القيم الذي تقومين به اختي
الله بارك خدمة وعليها لكلام . انا أستاذتي سندس نفتخر بها علا خطراش خدمتها شابة ومتحوفة . شكرا لك عزيزتي سندس على الدرس الرائع دوك نبدا نخدم فيه .
العفو غاليتي،الأعمال المدرجة لحد الان ضمن دورة التطريز توالم تكون للمخدات أو للتابلوهات كما ممكن ايضا تكون لحقائب يدوية كما هو الحال بالنسبة للرشمة الرابعة ، رشمة الدرس الأول هي لمفرش طاولة على كل حال بإذن الله بعد الإنتهاء من الدورة راح نجمع الرشامات اللي توالم هاذ الفن في موضوع مستقل، كذلك الكتب و المواقع اللي مهتمة بهاذ التطريز
نخرجوا الإبرة فوق القماش في النقطة 1 نعيد ادخال الإبرة في نقطة قريبة جدا من 1 فيتشكل une boucle نعاودوا نخرجوا الإبرة في النقطة 2 لكن انتبهوا إلى ان الإبرة راهي داخل la boucle و نعيد ادخال الإبرة من جديد في النقطة 3 تبعد عن النقطة 2 ب 2أو 3 مم فقط
خدمة هايلة وممتعة بزاف كي نقعد نخدم فيها مانحسش للوقت . وهاهي خدمتي : هيا لبنات وين راكم وين راهي خدمتكم حبينا نشوفوها .