مرحبا بالأخوات الفضليات اليوم بإذن الله رايحين نتعلموا من خلال الدرس السابع نتاع دورتنا شيئين اثنين و هذا من خلال باقة ورد جميلة جدا نشوفوا الرشام نبداو ان شاء الله في تطريز اللأغصان و هاذ المرة اخترت نعملوهم بواحد الغرزة يقولوا لها le point corail نشوفوا الصورة التخطيطية للغرزة ثم نتابع العمل من خلال الصور هاذي الصورة التخطيطة و هنا نشوفوا مراحل عمل هاذ الغرزة بالصور استخدمت coton perlè أخضر اللون و ممكن جدا نستخدم خيط التطريز هنا نخرجوا الخيط من تحت القماش و على بعد حوالي 0.5 سم نعاود ندخل الإبرة ( هذا البعد نحاول نحافظ عليه في كل خدمتنا ) نزيد نخرج الإبرة على بعد 1مم تابعوا البقية مع الصور إنتهينا الآن من الأغصان و من le pt corail و ننتقل لعمل الورود ورودنا اليوم جميلة جدا نسمي الوردة بوردة الأكورديون la rose accordeon نبداو هنا في منتصف الوردةو نخرجوا الشريط من تحت القماش الشريط هنا عرضه 1 سم و أحمر اللون ثم على بعد حوالي 14 او 15 سم نلوي الشريط على الإبرة تماما كيما نعمل مع الغرزة الفرنسية pt de noued من بعد نوجه الإبرة للشريط و نعمل غرزات كيما نعملوا un bati حتى نصل إلى نهاية الشريط و نعيد ادخال الإبرة في القماش في نقطة قريبة جدا من النقطة اللي خرجناها منها عند البداية نجبد الشريط من تحت القماش فتتكون هاذ الوردة الجميلة نكمل كل الورود الموجودة في الرشام بالنسبة لأوراق نستعمل الشريط 0.5 سم اخضر اللون و le pt de ruban japonais هذا هو العمل بعدما انتهينا منه إذا اليوم شفنا وردة الأكورديون و ايضا le point corail نتمنى يعجبكم الدرس و نلتقي في وقت آخر و درس آخر
درس رائع وممتاز . وطريقة عمله ساهلة وبسيطة والنتيجة مضمونة النجاح ان شاء الله . بارك الله فيك عزيزتي سندس على دروسك الرائعة والمتميزة .
السلام عليكم و رحمة الله تعالى و بركاته يعطيك الصحة كلما نشوف درسك و طريقة شرحك نقول في نفسي لو بحثت في الدنيا كلها عن شخص يعلمني هذا الفن لما وجدت افضل منك يا سندس جزاك الله خيرا بصح ممكن تقوليلي وش نقدرو نديرو بيه
و عليكم السلام و رحمة الله و بركاته ربي يعزك و يعلّي قدرك عزيزتي الأميرة هاذ الرشمة بالذات توالم تكون لوحة لكن الغرزة تقدري تخدمي بيها واش حبيتي