مرحبا بأخواتي معي في الدرس الثامن من دروس دورة التطريز بالحاشية اليوم بحول الله رايحين نتعلموا مع بعض كيف نخدموا زهرة ، توالم نزينوا بها الفساتين مثلا أو col de veste أو ممكن تكون في مخدة مع مجموعة من الأزهار كما يمكن نستعملوها في اشياء أخرى باش نخدموا هاذ الزهرة يلزمنا نخدمولها قاعدة و على هاذ القاعدة تكون الزهرة نتاعنا القاعدة هاذي ، هذه هي بالصورة نبدأ العمل ب coton perlè بنفس لون الشريط اللي رايحين نستعملوه في عمل الزهرة و نعمل كما توضح الصور تماما هنا كملنا الدور الأول ، نبدأ بالدور الثاني ثم الثالث انتهينا من عمل الشبكة اللي عليها رايحين نخدموا الزهرة و تذكروا انو لدينا 3 أدوار ( tours) نبدأ بعمل الزهرة و هاذ المرة اخترت العمل بشريط اّلأورغونزا و نحتاج منه شريط بعرض 1 سم و آخر بعرض 2.5 سم و يكونوا بنفس اللون البداية بشريط 1 سم نخدموا بيه الدور الأول فقط تابعوا في الصورة الموالية نبدأ العمل بالزهرة و شوفوا كيف ان الإبرة دخلناها في وسط الشبكة ايضا ناخذوا خيط و نترك خيط و نحرص على ان يبقى شوية من الشريط ما نسحبوهش كله و في كل مرة ندخل الإبرة و نخرجها من تحت خيط coton perlè نخلوا شوية من الشريط و ما نسحبوهش كامل لما نكمل الدورة الأولى و ما زلنا في الدور الأول تذكروا عندنا 3 أدوار نعكسوا العمل يعني اذا كنا نخدموا بعكس عقارب الساعة ناخذوا الإتجاه الآخر و نعملوا نفس العمل لكن مع عقارب الساعة هنا رانا كملناالدورة الأولى و هنا لاحظوا كيف انني غيرت في اتجاه العمل و خذيت الإتجاه المعاكس ولما نكملوا الدورة الثانية ايضا نغيروا في الإتجاه و نكملوا العمل بهذا الشكل حتى يتعمر الدور الأول و يكون لنا وسط الزهرة في هذاك الوقت ندخلوا الشريط نتاع 1سم تحت القماش و نعقدوه و نحرقوه كما اعتدنا العمل ، ثم نجيب الشريط نتاع 2.5 سم و نبدأ العمل في الدور الثاني بنفس الطريقة اللي خدمنا بيها الدور الأول مع اختلاف بسيط في كمية الشريط اللي نخلوها لازم تكون أكثر شوية هنا بداية العمل في الدور الثاني شوفوا هنا كمية الشريط اللي خليناها كبيرة شوية على الكمية اللي خليناها في الدور الأول كملنا الدورة الأولى من الدور الثاني نعكس اتجاه العمل و نخدم نكملوا العمل هذا في الدور الثاني و الثالث ايضا ما نغيروا ولا شي فنتحصل على هاذ الزهرة الآن نعمل على الأوراق بخيط تطريز او coton perlè أخضر اللون نخدموا le pt corail zigzag كيما الغرزة اللي كنا شفناها في الدرس السابق لكن تجي هاذ المرة متعرجة نتابع مع الصور لما نوصلوا للركن ، شوفوا كيف رايحين نعملوا انتهينا من الورقة و ثم كل الأوراق و هذا واش رايحين نتحصلوا عليه عند اتمام العمل ارجو ان يكون الدرس مفهوم و يعجبكم ، نلتقي ان شاء الله في الدرس التاسع و ما قبل الأخير دمتم بخير و صح فطوركم
السلام عليكم و رحمة الله تعالى و بركاته جزاك الله خيرا على المجهود و جعله في ميزان حسناتك وردة رائعة يعطيك الف صحة سندس و مزيد من اتالق ان شاء الله